Öll leiklistarnámskeið Leynileikhússins byggjast fyrst og fremst upp á mottóinu „GLEÐI“. Þetta þýðir að öll kennsla og sem fer fram í leiklistartímanum er gerð á uppbyggilegan og jákvæðan hátt að hálfu kennara og samnemenda. Með þetta mottó að leiðarljósi fara nemendur í grunnatriði í leiklist með hjálp leikja. Farið er í mikilvæg atriði eins og einbeitingu, gefa skýr skilaboð, hlustun, samvinnu og leiklistarsköpun. Þegar líða tekur á námskeiðið eru þessi grunnatriði færð yfir í spunavinnu sem á endanum skilar sér í lokasýningu sem nemendur sýna fyrir aðstandendur. Lokasýningin er því byggð upp nær alfarið á spuna og sköpunarkrafti nemenda sem kennari aðstoðar við að púsla saman í leikverk þar sem allir fá að njóta sín á sinn hátt.

Framhaldsnámskeið Leynileikhússins eru byggð upp á sama hátt en þau eru miðuð við að nemendur hafa farið á a.m.k. tvö almenn leiklistarnámskeið. Farið er dýpra í leiklistarvinnuna, persónusköpun og tæknileg atriði. Á meðan almennu námskeiðin eru 12 klst í kennslu eru framhaldsnámskeiðin 18 klst.
 
Leynileikhúsið er með aðsetur í eftirfarandi skólum
 
Kársnesskóli Kópavogi
Seljaskóli
Selásskóli
Rimaskóli
Lágafellsskóli Mosfellsbæ
Vesturbæjarskóli
Langholtsskóli
Flataskóli Garðabæ
Grunnskóli Seltjarnarness
 
Athugið að nemendur þurfa ekki að stunda nám við viðkomandi skóla til að geta farið á leiklistarnámskeið hjá Leynileikhúsinu.
 
Við erum lítið fyrirtæki sem er með það markmið að efla leiklistarkennslu fyrir börn og unglinga á landinu og gefa eins mörgum og kostur er færi á að læra leiklist. Leynileikhúsið vinnur náið með grunnskólum og foreldrafélögum þeirra og eins og stendur starfar fyrirtækið í níu skólum á öllu höfuðborgarsvæðinu. Allir kennarar Leynileikhússins eru fagmenntaðir leikarar sem hafa góða reynslu af leiklistarkennslu.
 
Fyrir allar frekari upplýsingar farið á www.leynileikhusid.is