GÆÐI,ÞEKKING, REYNSLA í fyrirrúmi.
Listdansinn er og hefur alla tíð verið, heilbrigða útrás fyrir líkama, anda og sál og því hentar listdansinn í raun fyrir alla. Við Lisdansskóla Íslands starfar úrvalslið sem hefur mikla þekkingu á dansi og eru gæðin höfð að leiðarljósi.  Í skólanum ríkir sú viðleitni að halda ástríðunni fyrir listdansinum lifandi.
Aðalnámsgreinar skólans eru samkvæmt kröfum aðalnámskrár menntamálaráðuneytisins á grunn- og framhaldsstigi: klassískur ballett, táskór, repertoire, pas de deux, nútímalistdans, spuni og snertispuni, jass (funk, söngleikjadans), danssmíði, kóreografía o.fl.

Nám í Listdansskóla Íslands hefur fyrst og fremst það markmið að mennta framtíðarlistdansara og nemendur sem vilja halda námi áfram á háskólastigi. Einnig er mikilvægt að þjálfa einnig nemendur sem stunda nám sér til ánægju. Nemendum er veitt kennsla í tæknilegum og listrænum greinum, skapandi færni og þeir fá mörg tækifæri til að njóta sín á danssýningum. Nemendur fá þjálfun í sjálfstæðum og skapandi vinnubrögðum. Einnig er rík áhersla lögð á samvinnu með öðrum. Nemendur læra að njóta lista, menningar og sögu listdansins í gegnum námið.
Listdansskóli Íslands er til húsa á Engjateigi 1, Reykjavik, undir sama þaki og Tónskóli Sigursveins. Það er hægt að fá nánari upplýsingar um skólann. 

Listdansskólinn er með sérstök inntökupróf á vorin inn í grunnskóla- og framhaldsdeildina. Þau eru auglýst sérstaklega.  Athugið að fram til 19.september er í gangi prufutímar fyrir 9 ára börn, stráka og stelpur, fædd 2000. Kennslustundir eru 3x í viku og eru á þriðjudögum kl. 16:30, fimmtudögum kl. 17:30 og laugardögum kl. 11:30.